Biblioteca

A biblioteca do noso Centro pertence á Rede de Bibliotecas de Galicia: “Proxecto Meiga”.

O noso plan de traballo persegue sempre o mesmo fin: ensinar aos nenos e nenas a gozar cos libros. Por iso contamos coa colaboración de todos os titores e profesores.

Damos unha importancia fundamental á relación Biblioteca/Escola, xa que esta é a única forma de enraizar o hábito da lectura no alumnado.

Ao inicio de curso damos a coñecer a súa estruturación, normas de uso e horario de grupos para a utilización da mesma, animando á lectura e procurando sempre favorecer os préstamos.

OBXECTIVOS

O noso obxectivo xeral é fomentar a lectura, a creatividade e a fantasía do alumnado e converter o libro nun personaxe con vida propia, capaz de contarnos as súas peripecias facendo que nos divirtamos.